ค่าวธรรมหงส์ผาคำ
ฉบับวัดสันบัวบก อำเภอเมือง จังหวัดพะเยา
ผูกสอง
หน้า 1
บรรทัดที่ 1 นโมตสสถุ สาธโว ดูลา สบุริสทังหลาย ทังยิงชายแลนักบราชเจ้า ชุงจักโสตาบราสาทหุมดาฟังยังนิยายอันนี้จักกล่าวจาด้วยเจ้าขตติยะโพธิสัตเจ้านำเอาหมู่ริ
บรรทัดที่ 2 พลสกุลลเสนาอามาด 4 จำพวกเข้าสู่ป่าไม้หิมพาน ตามราชกุมาร 6 ตนพี่น้องค็เอากันเข้าไพด้วยลำดับ หนทางไพเข้าแกล่ป่าไม้หนามหนา ฝูงหมู่สัตน้อยใหญ่อันอยู่
บรรทัดที่ 3 ไกลริมทางเขาค็ได้ยินเสียงช้างทังหลายมายินตัวค็เอาตนตัวหลบหลีกหนีไพอยู่ดงเขียวเถียนถ้ำทุ้งค่ำดงรี ฝูงสัตหลายมีมากเสียหมีหัวเป็นชุมอยู่บรสุมในปล่า
บรรทัดที่ 4 หกเต้นรำไพมา ราชสีตัวใหญ่อยู่ขางไขวในดงช้างงวงงาแลหมู่แรสเทียวสอดแวสตีนดอย หมู่นกน้อยหลายเป็นหมู่อยู่เป็นคู่ขานขันกินตักคัน หอมหืนสตตบุดชื่นเชย
บรรทัดที่ 5 ใจแม่เผิ้งหลายตอมกิ่งสาขา ยิงหลายกิ่งก้านด้านป่าไม้หิมพานดอกไม้เผยคลีมีทุกที่เหลือตาเกสสนาหอมทุกกลำดอกไม้เรื่อเหลืองไรในไฟสนเถียรถ้องทุกเทสท้องผู้เข้าอยู่ทาง
หน้า 2
บรรทัดที่ 1 เอาเหนบทัดโทง ตามใจไผทุกใหญ่น้อยฅนรามทุกวันยามม่วนต้องในแห่งห้อมหนทาง เมื่อนั้น ปานภิกขเว ดูรา ภิกขุทังหลายตนสักสาดอันมีสิลชาสใสดีจุงตั้งโสตาถวารวิถีจำหื้อหมั้นแต่ชาสนั้นมา
บรรทัดที่ 2 เมินนานคูพระตถาคตมีสมพานไปแก่ยังผดอวายหน้าทวนเทียวไพอยู่ในวัตตสงสานได้เกิฎเป็นทุขติตกุมารหนุ่มเหน้าเจ้าค็ขี่ยังนกหงผาฅำตัวนั้นไพด้วย
บรรทัดที่ 3 ลวงบลหนอากาสไพก่อนทั้งราชบุตตทั้ง 6 ตนฅลค็มีวันนั้น แล โยธา 4 จำพวกหากแวส ล้อมแหนแฮ่ อ้อมตามหลังค็ลำดับไพด้วยครัวทานบ่ยั้งจงไปรอดข้างฝั่ง
บรรทัดที่ 4 น้ำสมุทรสคร หันยังฟองน้ำไหลพุมเพิกไพมาควรฟึกสเพิงตัวมากนัก เมื่อนั้นโพธิสตเจ้าจุ่งจักจาเถิงราชบุตทั้ง 6 ตนแลเสนาอามาสทังหลายว่าบตนี้หนทางอันจัก
บรรทัดที่ 5 ไพพายหน้าค็บ่มีแล้วแลสูเจ้าทังหลายบ่อาดจักไพเพื่อข้ามน้ำนี้ได้จุ่งจักเอากันตั้งทัพยั้งอยู่ที่นี่ถ้าข้าเทอะข้าจักไพผู้เดียวเซาะหาย่านายมาหื้อได้ชแล คันว่าหาบ่ได้ข้าค็บ่จักคืนมาด้วย
ผู้ปริวรรต พรพิชา
ไม่มีความคิดเห็น:
แสดงความคิดเห็น